Kulankan oo lagu qabtay madasha kulammada ee Garaad Maxammed Dool ee xarunta Madaxtooyada ayaa waxaa kasoo qayb’galay Madaxweynaha DDS, mudane Mustafe Muxummed Cumar, masuuliyiinta sare ee xukuumadda, kuwa jaamacadaha iyo marti sharaf kale.
Gudiga ayaa ka koob naan doona Xafiisyada dawladda, kulliyadaha dawlada, kuwa gaarka loo leeyahay, qurba joog iyo jaamacadaha Jigjiga, Qabri-dahar iyo Diridhabe
Madaxweynaha DDS Mudane Mustafe Muxumed Cumar ayaa sheegay in gudiga looga baahan yahay inay xooga saaraan afkaaraha wanaagsan ee dhanka waxbarashada iyo soo saarista cuddud waxbaratay oo aqoonyahan ah.
Guddiga ayaa ka shaqayn doona haggaajinta adeegyada waxbarashada. waxaana ugu danbayntii la aas-aasay Gollaha isku xidhka Jaamacadaha, Kulliyadaha iyo Xafiisyada Deegaanka.
